Rusiyanın Kazan şəhərində müəllim oğlanı övladlığa götürüb və səkkiz ildən sonra onunla evlənib.

Qaziler.az Rusiya mətbuatına istinadən bildirir ki, Tatarıstanda uşaq evinin 53 yaşlı vokal müəllimi övladlığa götürdüyü oğlu ilə evlənib. 

Aysilu Çijevskaya-Mingalim əri Daniildən 30 yaş böyükdür. Onlar qadın Kazandakı uşaq evlərinin birində musiqi müəllimi işləyəndə tanış olublar. O, 14 yaşına qədər oğlana musiqi öyrədib, sonra onu övladlığa götürüb. Çizhevskaya-Minqalim Daniili səkkiz il saxlayıb böyüdüb. Bu müddət ərzində onlar birgə duet oxuyublar, oğlan mahnı müsabiqələrində iştirak edib. 2017-ci ildə Daniil Filip Kirkorov ilə birlikdə oxuduğu "Sən Supersən!" layihəsinin finalına yüksəlib.

Yeni evlənənlər lazımsız söz-söhbətlərin qarşısını almaq üçün evləniblər. Onların fikrincə, onların bu izdivacı yaradıcılığa əsaslanır və yaş fərqini hiss etmirlər. “Bizim evliliyimiz tamam başqa səviyyədədir. Bu əla bir şeydir, çünki biz belə hiss edirik. Yaradıcılıqla bağlı olan ailə məhv edilə bilməz”, - Çijevskaya-Mingalim jurnalistlərə bildirib. Onun sözlərinə görə, o, həmişə ana olacaq, çünki hər kişi uşaqdır.

Daniil deyib ki, onun üçün yaş sadəcə bir rəqəmdir,  həyat yoldaşının ürəyi gəncdir.

Aiysılu Çıjevskaya-Mingalim Kazanda tanınmış vokalçıdır. Aysilunun Daniildən başqa 7 övladı var, onlardan yalnız biri özününküdür.

QAZİLER.AZ