Türkiyənin Manisa şəhərində kütləvi zəhərlənmə baş verib.
QAZİLER.AZ Publika.az-a istinadən xəbər verir ki, şəhərdə bir çox insanlar vəziyyətləri pisləşdiyi üçün təcili tibbi yardıma müraciət ediblər.
Xəstəxanaya yerləşdirilən vətəndaşların yedikləri yeməkdən zəhərləndikləri müəyyən edilib. Müalicə alan 350 nəfərin 321-i evə buraxılıb. Hazırda 29 xəstənin müalicəsi davam etdirilir.
Şəhərin səhiyyə idarəsi hadisə ilə bağlı məlumat yayıb. Qeyd olunub ki, vətəndaşlar iş yerlərində xidmət göstərən qida paylayıcı şirkətin təqdim etdiyi məhsullardan zəhərləniblər.
