Kiyev meri Vitali Kliçko Avropanın bir çox hava limanlarını idarə edən Fraport şirkətinin rəhbərliyi ilə onlayn görüş keçirib. Ukrayna hava limanlarının müharibədən sonra yenilənməsi müzakirə olunub.

Qaziler.az bildirir ki, bu barədə RBC-Ukrayna Vitali Kliçkonun Teleqramına istinadən xəbər verir.

"Mən Fraport şirkətinin baş direktoru Stefan Şulte ilə onlayn danışdım. Fraport Avropanın ən böyük aeroport operatorlarından biridir. Biz gələcək əməkdaşlığı müzakirə etdik. O cümlədən gələcəkdə alman tərəfdaşların köməyi, müharibədən sonra Ukrayna hava limanlarının yenilənməsi və yaradılması. Xüsusilə, paytaxtın bələdiyyə aeroportu İ. Sikorski adına "Kiyev" aeraportu ", Kliçko bildirib.

Kliçkonun sözlərinə görə, Stefan Şulte həmçinin bildirib ki, rəhbərlik etdiyi şirkət xeyriyyə məqsədilə Kiyevə 100 min avro bağışlayacaq. 

Kiyevin meri Almaniyaya göstərdiyi dəstəyə və köməyə görə təşəkkür edib və cənab Şulteni Kiyevə səfərə dəvət edib.

QAZİLER.AZ