Həm prezident, həm də parlament seçkilərində 56 faizə yaxın səs toplamaq şansımız oldu. Amma son vaxtlarda qarışıqlıqlar baş verdi.

QAZİLER.AZ  Axar.az-a istinadən xəbər verir ki, bunu Səadət Partiyasının sədri Temel Karamollaoğlu Türkiyədəki son seçkilərlə bağlı danışarkən deyib.

O bildirib ki, “Altılı masa”da bir çox partiya sədrləri vitse-prezidentliyə namizəd oldular:

“Bununla yanaşı, bələdiyyə sədrləri də (red- Əkrəm İmamoğlu və Mənsur Savaş) ortaya çıxdı. Bizim bu bələdiyyə sədrlərinə qarşı heç bir düşmənçiliyimiz yoxdur, amma bu doğru qərar deyildi. Bundan başqa, ittifaq olaraq mitinqlərə gedəndə 7 nəfər birdən danışırdı. Artıq bu, təcrübəsizlikdən qaynaqlanırdı. Heç vaxt belə bir addım atılmamışdı. Mitinqlərdə 2 və ya 3 nəfər danışmalıdır. Yeddi nəfər heç vaxt danışmamalı idi. Çatışmazlıqlarımız, səhvlərimiz var idi. Və belə bir nəticə ilə qarşılaşmalı olduq”.