Sosial şəbəkələrdə ermənilərin uşaqlarını müharibəyə necə hazırladıqlarını əks etdirən daha bir video yayımlanıb.

Videogörüntülərdə erməni təlimatçıların azyaşlı uşağa atəş açmağı necə öyrətdikləri əks olunub.

Məlumata görə, uşağın adı David Petrosyandır.

Bu video ermənilərin öz övladlarına azərbaycanlılara qarşı nifrət hissini aşılamağa davam etdiklərinin daha bir sübutudur. Dəfələrlə xəbər verildiyi kimi, qonşularımız uşaqlar üçün hərbi şəhərciklər salır, onlara atəş açmaq və döyüş metodları üzrə təlimlər keçirlər.

İrəvanın sülhə sadiqliyi ilə bağlı ikiüzlü bəyanatlarına baxmayaraq, erməni uşaqlarında düşmən obrazı uşaqlıqdan formalaşdırılır.