İşğalçılar Luqansk vilayətinin müvəqqəti işğal olunmuş ərazilərindən 750 uşağı guya müalicə üçün Rusiyaya aparmağı planlaşdırır.

Qaziler.az RBC-Ukrayna-ya istinadən bildirir ki, bu barədə  Luqansk vilayət hərbi administrasiyasının rəhbəri Artem Lısoqor telemarafonun efirində verdiyi açıqlamada deyib.

O xatırladıb ki, iyun ayında işğalçılar Luqansk vilayətinin Starobelski rayonundan 150 uşağı guya Rusiyaya reabilitasiya üçün aparıblar. Administrasiya rəhbərinin sözlərinə görə, onların geri qayıtması barədə məlumat yoxdur.

"Hazırda işğalçılar daha 750 uşağın çıxarılması üçün hazırlıqları tamamlayır. Rusiya Federasiyasından olan həkimlər Luqansk vilayətinin işğal olunmuş ərazisində məktəblilərin 70 faizində onları müalicə üçün Rusiyaya göndərmək bəhanəsi ilə  "patologiyalar" aşkarlayıblar", - Lısoqor dedi.

Bundan əlavə, Stanitsada ruslar uşaqları anaları ilə birlikdə istirahət düşərgələrinə getməyi təklif edir, onları “Ukraynadan atılan mərmilərlə” qorxudurlar. İmtina edildiyi təqdirdə təhsil almağa buraxılmayacaqları ilə hədələyirlər.

QAZİLER.AZ