Baxmutun müdafiəsi on aydır davam edən uğurlu müdafiə əməliyyatıdır. Düşmən bu əməliyyatda xeyli  canlı qüvvə və texnika itirdi.

Qaziler.az bildirir ki, RBC-Ukraynanın məlumatına görə, bu barədə Ukrayna Milli Təhlükəsizlik və Müdafiə Şurasının katibi Oleksiy Danilov CNN-ə şərhində bildirib.

O xatırladıb ki, şəhərin bir hissəsi hələ də Ukraynanın nəzarəti altında olduğundan, rusların Baxmutun tam işğalı ilə bağlı dediyi sözlər yalandır.

Danilovun sözlərinə görə, Baxmutun müdafiəsinin davam etdirilməsi ilə bağlı qərarlar strateji səviyyədə qəbul edilib. Bu məsələ daim Ali Baş Komandanın Qərargahında müzakirə olunur.

QAZİLER.AZ