Ukrayna NATO-dan təkcə üzvlüklə bağlı siyasi qərar deyil, həm də təhlükəsizlik zəmanəti almaq istəyir. Lakin ekspertlər bu ehtimala şübhə ilə yanaşırlar.

Qaziler.az bildirir ki, bu fikri “Novaya Avropa” Analitik Mərkəzinin direktoru Alena Getmançuk “RBC-Ukrayna”ya bildirib.

"Hazırda Ukrayna hakimiyyəti NATO-ya qoşulmazdan əvvəl Ukraynanı təcavüzdən qorumalı olan təhlükəsizlik zəmanətlərinin alınması üçün bir neçə variantı nəzərdən keçirir. Seçimlər arasında geniş çərçivə sazişi var ki, onu imzalayanlar təkcə Alyansa üzv olan ölkələr deyil". 

Ekspert Alyona Getmançuk hesab edir ki, belə təhlükəsizlik zəmanətlərinin alınacağı ehtimalı azdır. Onun sözlərinə görə, Alyansdan belə bir öhdəlik almaq NATO-ya dəvətdən daha az ehtimaldır.

"İdeya, əlbəttə ki, gözəldir, lakin biz Finlandiya deyilik. Biz müharibənin qaynar mərhələsindəyik və əgər bəzi ölkələr bizə bu cür zəmanətlər vermək istəsəydilər, Ukraynanın NATO-ya üzvlüyünə qarşı belə müqavimət olmazdı. Əgər söhbət dəstək təminatlarından yox, real təminatlardan gedirsə, bizim dəstək zəmanəti tələb etmək hüququmuz var”, - deyə ekspert bildirib.

Xatırladaq ki, Ukrayna Prezidenti Vladimir Zelenski Ukraynanın effektiv təhlükəsizlik zəmanəti almalı olduğunu demişdi. Onun fikrincə, bu, NATO-ya daxil olmamışdan əvvəl də baş verməlidir.

QAZİLER.AZ