Moskva yaxınlığındakı Dzerjinski adlanan ərazidə mayın 12-də güclü yanğın baş verib. Ehtimala görə, istilik elektrik stansiyasının yaxınlığında yerləşən anbarlar yanıb.
Qaziler.az bildirir ki, bu barədə RBC-Ukrayna Rusiyanın Telegram kanallarına istinadən xəbər verir.
"Moskva vilayətində güclü yanğın. Yanğın əvvəlcə Dzerjinski rayonunda başlayıb", - şəbəkə yazır.
Bundan sonra Rusiya mənbələri ikinci dərəcəli ehtiyatların emalı müəssisəsində yanğının baş verdiyi versiyasını irəli sürüblər.
Lakin sonradan Sadovaya küçəsindəki anbarda 30 kvadratmetr sahədə təkərlərin yandığı bildirilir.
QAZİLER.AZ
