Ukraynada hər gün minalarla bağlı mülki itkilər barədə məlumat verilməkdə davam edir.

Ən çox zərər çəkən ərazilər əvvəllər Rusiya tərəfindən işğal olunmuş Xerson və Xarkov vilayətləridir: .

Qaziler.az bildirir ki, bu barədə Britaniya Müdafiə Nazirliyi Twitter-də məlumat yayıb.

Hesabatda qeyd olunub ki, yazın gəlişi və kənd təsərrüfatı sahəsində çalışanların sayının artması ilə əlaqədar olaraq mülki əhalinin minalara məruz qalması riski artır.

Hücum başlayandan bəri minalarla bağlı əhali arasında 750-dən çox mülki itki qeydə alınıb, hər səkkiz mina qurbanından 1-i uşaqdır .

"Ukraynanın minalardan təmizlənməsi yəqin ki, ən azı on il çəkəcək", - Böyük Britaniya Müdafiə Nazirliyi bildirib.

Xatırladaq ki, Xerson vilayətinin yaşayış məntəqələri işğaldan azad edildikdən sonra istehkamçılar 27 min hektar ərazini yoxlayıblar. Bu ərazilərdə 55,7 min partlayıcı obyekt aşkar edilərək zərərsizləşdirilib.

QAZİLER.AZ