Ukrayna Təhlükəsizlik Xidməti Sumı vilayətində ukraynalı hərbçilərin mövqelərini axtaran federal Təhlükəsizlik Xidmətinin agentini saxlayıb.

Qaziler.az bildirir ki, Bu barədə RBC-Ukrayna Ukrayna Təhlükəsizlik Xidmətinin səhifəsinə istinadən xəbər verir.

FTX agenti Sumı bölgəsində Ukrayna  müdafiə qüvvələrinin mövqelərini axtarıb və bu məlumatı ruslara çatdırıb. Hüquq-mühafizə orqanlarının əməkdaşları onu tapıblar və dövlətə xəyanətdə şübhəli olduğunu bildiriblər.

Qeyd olunur ki, düşmən Sumı vilayəti ərazisində möhkəmləndirilmiş ərazilərin yerləri, istehkamlar və ukraynalı müdafiəçilərin silahlanması ilə maraqlanıb.

Rus agent şəxsi avtomobili ilə Sumı rayonunun yaşayış məntəqələrini gəzib. Belə səfərlər zamanı o, yerli sakinlərlə görüşüb, burada gündəlik mövzuları danışmaq adı altında sərhədə yaxın Ukrayna hərbçilərinin olub-olmaması barədə maraqlanıb.

Həmin şəxs saxlanılıb, ona dövlətə xəyanətdə şübhəli bilinməsi barədə məlumat verilib və həbs qətimkan tədbiri seçilib.

QAZİLER.AZ