Türkiyənin Ali Seçki Şurasının sədri Ahmet Yener prezidentliyə namizədlik üçün tələb olunan 100 min imzanın toplanılması üçün verilən müddətin başa çatdığını açıqlayıb.
O, bu müddət ərzində yalnız dörd namizədin - Rəcəb Tayyib Ərdoğan, Kemal Kılıçdaroğlu, Muharrem İnce və Sinan Oğanın 100 min imza toplaya bildiyini deyib.
Yenerin sözlərinə görə, artıq prezident seçkiləri ilə bağlı namizədlərin müvəqqəti siyahısı “Resmi Gazete”də dərc olunub. Yekun siyahı isə martın 31-də dərc ediləcək.
Xatırladaq ki, Türkiyədə prezident seçkiləri parlament seçkilərilə birgə mayın 14-də baş tutacaq.
Mənbə: Haber Global
