Həmçinin izdihamı yatırmaq üçün su şırnaqlarından da istifadə edilib

Gürcüstan xüsusi təyinatlıları Tbilisidə parlament qarşısında toplaşan etirazçıları dağıtmaq üçün gözyaşardıcı qaz və su şırnaqlarından istifadə ediblər. Bu barədə demək olar ki, bütün yerli media xəbər verir.

Xüsusi təyinatlılar parlamentə gedən küçəni bağlayıb və izdihamı idarə etmək üçün müxtəlif vasitələrdən istifadə edirlər. Rustaveli prospektində ölkədə xarici agentlər haqqında qanunun qəbulundan sonra küçələrə çıxan minlərlə etirazçı hələ də var.

Məlumdur ki, gözyaşardıcı qazdan istifadə edildikdən sonra asayiş keşikçiləri Gürcüstan parlamentinin binasına yaxınlaşaraq geri çəkiliblər və izdiham da müvəqqəti olaraq təzyiqləri dayandırıb. Polislə toqquşmada zərərçəkənlər var, onlara tibbi yardım göstərilib.

Xatırladaq ki, Gürcüstanda birinci oxunuşda qəbul edilən “Xarici agentlər haqqında” qanun layihəsində gəlirinin 20%-dən çoxunu xaricdən əldə edən istənilən hüquqi şəxs nəzərdə tutulur. Təşəbbüs cəmiyyətdə iğtişaşlara səbəb olub, yerli müxalifət və Qərb siyasətçiləri tərəfindən qızışdırılıb.

QAZİLER.AZ