Güney Azərbaycan Mədəniyyət Mərkəzinin rəhbəri məlumat verib

Bu il boyunca keçirdiyimiz forumlarla, aksiyalarla Güney Azərbaycan məsələsini gündəmdə tutmağa çalışacağıq. Hazırda diqqətimiz yaxın zamanlarda Avropada keçirilməsi planlaşdırılan “Azadlıq və Ədələt Yürüşü”nə yönəlib. Ancaq Güney Azərbaycan türklərinin 3-cü Forumuna hazırlıqlar da unudulmayıb və öz qaydasında davam edir.

Bu sözləri QAZİLER.AZ Axar.az-a istinadən məlumat verir. Bu haqda Güney Azərbaycan Mədəniyyət Mərkəzinin rəhbəri Camal Mehmetxanoğlu Axar.az-a danışıb. 

O bildirib ki, İstanbul forumundan sonra Avropa və Moskvada da tədbirlər keçirilməsi nəzərdə tutulub:

“Aprel ayında İstanbulda keçirmək istəyimiz forumun proqramı 3 hissədən ibarətdir. Bölmələrə uyğun olaraq Güney Azərbaycan türkləri ilə bağlı maraqlı araşdırması olan 8 elmi işçinin çıxışı nəzərdə tutulub. Tədbirimizdə, həmçinin, Güney Azərbaycan milli fəalları Hərəkatın hədəflərindən danışacaqlar. Aprel ayında forum ilə bağlı hazırlıqlarımız daha da çoxalacaq”.