Qazaxıstan Rusiyadakı ticarət nümayəndəliyini bağlamaq qərarına gəlib. Nümayəndəlik 2009-cu ildə açılmışdı.
Qaziler.az bildirir ki, bu barədə Qazaxıstan hökuməti fərman imzalayıb.
“Qazaxıstan Respublikası Hökuməti qərara alır: Qazaxıstan Respublikası Ticarət və İnteqrasiya Nazirliyinin Qazaxıstan Respublikasının Rusiya Federasiyasındakı dövlət ticarət nümayəndəliyi ləğv edilsin”, - məlumatda deyilir.
Bildirək ki, Rusiya və Qazaxıstan 1992-ci ildə qarşılıqlı ticarət nümayəndəliklərinin açılması haqqında saziş imzalayıblar. Qazaxıstanın Moskvadakı nümayəndəliyi 2009-cu ildə fəaliyyətə başlayıb, Kazanda isə daha bir nümayəndəlik fəaliyyət göstərir.
