Moskvada məhkəmə rusiyalı Peşkov haqqında vətənə xəyanət ittihamı ilə həbs qərarı verib.

Moskvanın Lefortovo Məhkəməsi dövlətə xəyanətdə təqsirləndirilən Peşkov adlı Rusiya vətəndaşı barəsində həbs-qətimkan tədbiri seçib.

Qaziler.az bildirir ki, bu barədə RİA Novosti məlumat yayıb.

Təqsirləndirilən şəxs federal Təhlükəsizlik Xidməti müstəntiqinin tələbi ilə həbs edilib. O, Rusiya Federasiyası Cinayət Məcəlləsinin 275-ci maddəsi ilə (“dövlətə xəyanət”) nəzərdə tutulan cinayəti törətməkdə ittiham olunur.

İşin materialları “Tamamilə məxfi” olduğuna görə açıqlanmır.

Yanvarın 12-də Ukrayna Silahlı Qüvvələrinin  sıralarına qoşulub rus hərbçilərinə qarşı döyüşməyə hazırlaşan Tver sakininin saxlanılması barədə məlumat yayılıb. 40 yaşlı rus ukraynalı kuratorun göstərişi ilə uniforma, tibbi ləvazimat və avadanlıq alıb, həmçinin Ukrayna ərazisinə gediş marşrutunu öyrənib.

QAZİLER.AZ