Ukrayna ordusu düşmənin daim qüvvə cəmlədiyi Kremennaya və Svatovo yaxınlığında irəliləyir.

Qaziler.az RBK-Ukrayna-ya istinadən bildirir ki, bu barədə Luqansk vilayəti hərbi administrasiyasının rəhbəri Sergey Qayday deyib.

"Kremennaya və Svatovo yaxınlığında vəziyyət stabildir - qoşunlarımız irəliləyir. Düşmən oradakı ehtiyatları mütəmadi olaraq artırır. Ukrayna Silahlı Qüvvələri hər gün bu işğala qəhrəmancasına müqavimət göstərir", - deyə Qayday bildirib.

Onun sözlərinə görə, Kremennaya göndərilən rus desantları möhkəmlənməyə və şəhəri saxlamağa çalışırlar.

"İşğalçılar həmçinin Beloqorovka yaxınlığında və Svatovski və Kremenski istiqamətlərində əks hücuma keçməyə çalışırlar".

QAZİLER.AZ