“Türkiyədə SİPER hava hücumundan müdafiə sistemi uğurla sınaqdan keçirilib”.

Bunu Türkiyənin müdafiə sənayesinin rəhbəri İsmail Demir “Twitter” səhifəsində yazıb. Onun sözlərinə görə, Türkiyənin SİPER raketi 100 km-dən çox məsafədə yerləşən hədəfi vura bilib. Dəmir bunu müdafiə sənayesindən ölkəyə “Yeni il hədiyyəsi” adlandırıb.

“Bizim SİPER Product-1 sistemindən buraxılan və idarə olunan sınaq raketi 100 km-dən çox məsafədə hədəfi uğurla vurub”.

Qeyd edək ki, dekabr ayının əvvəlində Türkiyənin reaktiv pilotsuz qırıcısı “Bayraktar Kızılelma” ilk uçuşunu həyata keçirib. “Bayraktar Kızılelma” ilk dəfə avqustda Samsunda keçirilən “Teknofest-2022” festivalında təqdim olunub.

azvision.az