Gürcüstanın hakim partiyasının lideri İrakli Kobaxidze müxalifətin Mixail Saakaşvilinin sağlıq durumu ilə bağlı səmimiyyətinə şübhə etdiyini bildirib.

Qaziler.az "Novosti - Qruziya"ya istinadən məlumatına görə, partiya lideri bildiribi ki, bu, Saakaşvili haqqında söylədiyi “son şərh”dir.

Kobaxidze: “Onlar Saakaşvilinin səhhəti ilə maraqlansaydılar, onun özünü şikəst etməsi üçün bu qədər uzun müddətli təşviqedici kampaniya aparmazdılar”, - deyib.

“Bu, Saakaşvili ilə bağlı son şərhimdir. Nə varsa hüquqi baxımdan həll olunmalı və mövzuya siyasi don geyindirilməməlidir. Onlar (müxalifət) siyasi piar-kampaniyaya pul xərcləyir, lobbiçilər tuturlar. Onların məqsədi məsələni siyasiləşdirməkdir, amma biz bunu istəmirik, ona görə də mən bundan sonra Saakaşvili haqqında şərh verməyəcəyəm”, - Kobaxidze bildirib.

QAZİLER.AZ