Rusiyada insanların yaş və sağlamlıq vəziyyətindən, hərbi xidmətdə olub-olmamasından asılı olmayaraq, onların səfərbərliyə cəlb olunması ilə bağlı şikayətlər artır.

Musavat.com xəbər verir ki, "Sever.realii" saytı bununla bağlı maraqlı bir epizodu yazıb.

Andrey Qrişkovits adlı vətəndaşın 38 yaşı var. Həyat yoldaşı Svetlana ilə birlikdə o, Leninqrad vilayətinin Vsevoljsk şəhərində iki uşaq böyüdür: Ksyuşanın 6, Jenyanın isə 10 yaşı var. Andrey səfərbərliyə cəlb olunanlarla bağlı heç bir meyara uyğun gəlmir: yaşı uyğun deyil, səhhətində problem olduğu üçün heç vaxt xidmət etməyib, hərbi biletində "B" kateqoriyası göstərilib. Buna görə də Moskva vilayətində köhnə ünvana çağırış vərəqəsi gələnə kimi sentyabrın 24-nə qədər onun ailəsində heç kim çağırışa görə narahat olmayıb.

"Ona çağırış vərəqi də vermədilər. Sadəcə bacısı zəng etdi və bildirdi ki, köhnə yaşayış yerinə poçtla çağırış vərəqəsi gəlib. 10 ildir ki, orada yaşamırıq! Mənzil satılıb. Məsələyə aydınlıq gətirmək üçün rayon hərbi komissarlığı ilə əlaqə saxlamaq qərarına gəldik.

Sankt-Peterburqun Moskovski rayonunun hərbi komissarlığında Andrey Vsevolojsk rayonuna yönləndirilib və işçilər müvafiq tələblər irəli sürmədikləri və məlumatların köhnəldiyi üçün orada çağırışla bağlı təfərrüatları öyrənməyi tövsiyə ediblər. Vsevolojskda onun pasportunu, hərbi biletini götürüb gözləmə otağına apardılar. Bundan sonra bildim ki, onu 760 saylı hərbi hissədə Luqaya gedən avtobusa mindiriblər. Moskva vilayətinin hərbi komissarlığında uşaqlara heç olmasa gedişin hansı gün olacağını seçmək təklif edilirdi ki, bəzi təcili işləri başa çatdırsınlar. Burada heç kim heç nəyə qulaq asmadı. Sadəcə sənədləri topladılar. Sənədsiz sən kimsən? Heç kim!", - deyə Sveta danışıb.

Qrişkovits səfərbərlik başlamazdan əvvəl iki vertebral yırtıqdan müalicə alıb. 2014 və 2018-ci ildə müayinə olunub. O, bununla bağlı çağırışçıların olduğu yerə baş çəkən Leninqrad vilayətinin qubernatoru Aleksandr Drozdenkoya şikayət etsə də, məhəl qoyan olmayıb.