Türkiyə ordusunun İraqda keçirdiyi "Pəncə-Kilid" əməliyyatı zonasında terrorçular tərəfindən quraşdırılmış əldəqayırma partlayıcı qurğu partlayıb.
Qaziler.az xəbər verir ki, bu barədə ölkənin Milli Müdafiə Nazirliyindən bildiriblər.
Məlumata əsasən, partlayış nəticəsində Türkiyə ordusunun 1 hərbçisi həlak olub, 3 hərbçi isə yaralanıb.
Milli Müdafiə Nazirliyindən verilən açıqlamada 24 yaşlı əsgər Selman Gülərin şəhid olduğu açıqlanıb.
Yaralı hərbçilər dərhal xəstəxanaya yerləşdirilib.
