“Türkiyə Milli Müdafiə Nazirliyi Qara dənizdəki minalarla əlaqədar lazımi tədbirlər görəcək”.
APA TASS agentliyinə istinadən xəbər verir ki, bu sözləri Türkiyə Prezidenti Rəcəb Tayyib Ərdoğan deyib.
“Hazırda bu məlumat müzakirə olunur. Bununla bağlı Milli Müdafiə Nazirliyimiz bütün tədbirləri görür. Lazım olan hər şey ediləcək. Tərəddüd etməyin", - deyə Türkiyə lideri bildirib.
Rusiya Federal Təhlükəsizlik Xidmətinin martın 19-a olan məlumatına görə, Ukrayna Hərbi Dəniz Qüvvələri Qara dənizə mina buraxıb.
