Rusiyanın Ukraynaya qarşı başladığı müharibə öz dəhşətləri ilə davam etməkdədir.
Dağıntılar, fəlakətlər, saysız-hesabsız insan ölümü ilə nəticələnən müharibədən ən çox əziyyət çəkən uşaqlardır. Körpələr ölür, körpələr dağıntılar altında qalır, körpələr ata-anasın itirir...
Hazırda müharibə gedən Ukraynada uşaqlar odun-alovun içərisində, qanlı müharibənin acısı ilə göz-gözədir. Müharibənin hər bir kadrı, hər bir fotosu təsirlidir, ürək ağrıdandır.
Yayılan bir fotoda vətəni Ukraynanın azadlığı uğrunda döyüşə yollanan kiyevli ata-ana övladları ilə görüşməyə gəliblər. Nə olduğunu anlamayan günahsız körpə doğmalarına sarılır...
İnsanlığın qənimi, özgə torpaqlarına soxulan qaniçənlər öz qanlarında boğulsunlar...
