Ukraynanın xarici işlər naziri Dmitri Kuleba Qərb ölkələrini ukraynalıların qanı ilə ticarət etməməyə və Rusiyaya qarşı sanksiyaların effektivliyini azaltmamağa, o cümlədən də bu ölkəni SWIFT beynəlxalq ödəniş sistemindən ayırmağa çağırıb.
O, bu barədə xarici jurnalistlər üçün onlayn brifinq zamanı bildirib.
Nazir qeyd edib ki, beynəlxalq anti-Rusiya koalisiyasının yekun məqsədi bu ölkəyə məxsus qüvvələrin Ukraynadan tam şəkildə çıxarılmasıdır.
“Təəssüf ki, Rusiyanın bunu etməyə və müharibəni dayandırmağa hazır olduğuna dair heç bir əlamət yoxdur”, - deyə Kuleba bildirib.
Mənbə: “Unian”
