Bu gün Xarkovdan bir qrup azərbaycanlı tələbə və digər Azərbaycan vətəndaşları qatarla Lvova yola salınıb.
Bu barədə Apa-ya hazırda Azərbaycanın Xarkovdakı konsulluğunda olan İctimai Siyasi Proseslər və Beynəlxalq Araşdırmalar Mərkəzinin (İSBAM) sədri Samir Adgözəlli məlumat verib.
Tələbələr Azərbaycanın Xarkovdakı konsulluğunun təşkilati və texniki dəstəyi ilə yola salınıb. Bundan sonra da tələbələr də daxil olmaqla, Azərbaycan vətəndaşlarının Xarkovdan təxliyəsi davam etdiriləcək.
Qeyd edək ki, Xarkovdan təxliyə olunmaq istəyən 1500 Azərbaycan vətəndaşı var.
