Türkiyənin Konya bölgəsində təyyarə qəzası baş verib.
Türkiyənin Milli Müdafiə Nazirliyi (MN) qəzaya uğrayan təyyarənin “Türk ulduzları” eskadrilyasına məxsus olduğunu bildirib.
“Təlim uçuşu icra edən “Türk ulduzlarına” məxsus NF-5 təyyarəsi saat 14:15 (Bakı vaxtı ilə 15:15) radələrində Konyada qəzaya uğrayıb”, - deyə Türkiyə MN-dən bildirilib.
Qəza Karatay rayonunda yerləşən aviabaza yaxınlığında baş verib.
Hadisə yerinə xilasedicilər cəlb olunub.
İlkin məlumatlarda bir pilotun həlak olduğu bildirilir.
