Avqustun 4-ü Bakı vaxtı ilə saat 12:00-da Beynəlxalq Münasibətlərin Təhlili Mərkəzi "Qoşulmama Hərəkatı və Covid-19 Pandemiyası" mövzusunda beynəlxalq vebinar keçirəcək.

Tədbirdə Pakistanın Qlobal və Strateji Araşdırmalar Mərkəzi, Belarus Strateji Araşdırmalar İnstitutu və Efiopiyanın Sülh və Təhlükəsizlik Tədqiqatları İnstitutunun nümayəndələri iştirak və çıxış edəcəklər. Vebinarda ikinci ən böyük beynəlxalq təşkilat kimi Qoşulmama Hərəkatının pandemiya ilə mübarizədə oynadığı roldan, qurumun qlobal rolunu inkişaf etdirmək üçün mövcud potensiallardan danışılacaq. Sonda sual-cavab sessiyası keçiriləcək. Tədbir BMTM-in “facebook” ünvanında ingilis dilində https://www.facebook.com/aircenteraz/ və “Youtube” ünvanında https://www.youtube.com/channel/UCMPFLuKa3rNPjcWAS5PYy3w?view_as=subscriber Azərbaycan dilində canlı yayımlanacaq.