Bizim Azərbaycan və Gürcüstan ilə çox gözəl münasibətlərimiz var. İnanıram ki, bizim üçtərəfli əməkdaşlığımız və həmrəyliyimiz regiondakı bütün qonşu dövlətlər üçün nümunə olacaq.
Azərtac xəbər verir ki, bu sözləri Türkiyənin Xarici İşlər naziri Mövlud Çavuşoğlu Tbilisidə Azərbaycan, Gürcüstan və Türkiyənin Xarici İşlər nazirlərinin üçtərəfli görüşündən sonra söyləyib.“Bizim əməkdaşlıq mexanizmlərimiz dayanıqlı sülh və sabitlik üçün əsas yaradır. Biz üç ölkə arasında iqtisadi və ticari əlaqələri daha da genişləndirməyə hazırıq”, -deyə M.Çavuşoğlu vurğulayıb.
