Bu gün Türkiyə Respublikasının Vitse-prezidenti Fuat Oktay Azərbaycana rəsmi səfərə gəlib.
Nazirlər Kabinetinin mətbuat xidmətindən APA-ya verilən məlumata görə, hər iki ölkənin dövlət bayraqlarının dalğalandığı Heydər Əliyev Beynəlxalq Aeroportunda Türkiyə Respublikasının Vitse-prezidentinin şərəfinə fəxri qarovul dəstəsi düzülüb, hərbi orkestr iki ölkənin dövlət himnlərini səsləndirib.F. Oktayı Baş Nazirin müavini Əli Həsənov, Xarici İşlər nazirinin müavini Ramiz Həsənov və digər rəsmi şəxslər qarşılayıblar.
