ABŞ ordusu böyük miqdarda peyntbol (boyalı şar) alışı ilə bağlı müqavilə imzalayıb.

Axar.az xəbər verir ki, bu barədə “Populyar Mexaniks” dərgisi məlumat yayıb. Dərginin yazdığına görə, ABŞ bu silahlardan Əfqanıstanda istifadə edəcək.

Sözügedən silahın şarlarını müxtəlif maddələrlə, həmçinin gözyaşardıcı qazla doldurmaq mümkündür. Mütəxəssislər silahdan hansı şəkildə istifadə ediləcəyini bilməsələr də, qəribə bir versiya irəli sürüblər. Onlar Əfqanıstanda xalq nümayişləri zamanı bu silaha əl atılacağını iddia ediblər.

ABŞ ordusundan peyntbol sifarişi alan şirkət məsələ ilə bağlı açıqlama verməkdən boyun qaçırıb.