Prezident Administrasiyası, Gənclər və İdman Nazirliyinin dəstəyi, “Tərxis Olunmuş Hərbçilərin Gəncləri Maarifləndirmə” İctimai Birliyinin təşkilatçılığı ilə qazilərdən, ehtiyatda olan zabitlərdən, hərbiyönümlü QHT rəhbərlərindən ibarət Azərbaycan nümayəndə heyəti Türkiyədə səfərdədir.

Musavat.com bildirir ki, Ankarada görüşlərini bitirən nümayəndə heyəti dünən İstanbula gəlib.

Azərbaycan nümayəndə heyəti ilk öncə İstanbulun Sarıyer bölgəsində mərhum prezident Heydər Əliyevin adına salınmış parkı ziyarət edib. Burada Heydər Əliyevin və Mustafa Kamal Atatürkün xatirəsini ehtiramla yad ediblər.

Ziyarətdən sonra nümayəndə heyətimiz İstanbulda təşkil olunan Atatürkü Anma Gənclik və İdman Bayramına qatılıb. Bayram tədbirində Türkiyə Silahlı Qüvvələri İstabul Qarnizonunun komandiri, ordu generalı Musa Avsevər, İstanbul valisi Vasip Şahin, İstanbul Bələdiyyəsinin sədri Mevlüt Uysal və digər şəxslər iştirak edib.

Səfərin təşkilatçılarından olan Emin Həsənli musavat.com -un müxbirinə deyib ki, tədbirdən sonra İstabul Qarnizonunun komandanı, ordu generalı Musa Avsevər, İstanbul valisi Vasip Şahin nümayəndə heyətimizlə görüşüb. Nümayəndə heyəti adından İstanbul valisi Vasip Şahinə xatirə hədiyyəsi təqdim edilib.

Görüşlər davam edir.