ABŞ-ın gələcəkdə İsrail və Fələstinə təqdim edəcəyi “Yüzillik Anlaşma” ilə bağlı yeni detallar ortaya çıxıb.
Axar.az İsrailin “Maariv” qəzetinə istinadən xəbər verir ki, Fələstinə paytaxt olaraq Şərqi Qüdsün 4 küçədən ibarət olan Şufat, Mukaber dağı, İsaviyah və Abu Dis küçələri veriləcək.Plana görə, İsrailin əlində olan bu 4 bölgənin Fələstinə təhvil verilməsi tələb ediləcək.
Qeyd edək ki, İsrail Müdafiə naziri Aviqdor Liberman sözügedən plan haqqında məlumata sahib olmadığını açıqlamışdı.
