“Balkanlarda Azərbaycanı fəal müdafiə edən siyasətçi, Makedoniya Türk Hərəkatı Partiyasının rəhbəri, Makedoniya-Azərbaycan Dostluq Cəmiyyətinin sədri, millət vəkili Enes İbrahim və digər siyasətçilər hədələnirlər”.

Bu barədə Publika.az-a siyasətçinin dostu, diaspor üzrə araşdırmaçı-jurnalist Elnur Eltürk məlumat verib.

Enes İbrahim bununla bağlı açıqlamasında məsələnin arxasında hansı səbəblərin durduğunu açıqlayıb:

“Keçən gün radikal irqçi qruplar dostumuzun maşınını yandırdılar. Hər gün bir siyasətçinin evinin qarşısında radikal-irqçi qruplar yığışır. Hər gün təhdidlər alırıq. Nə üçün? Çünki Makedoniyada insan haqları qorunsun, ifadə azadlığı inkişaf etsin deyə mübarizə aparırıq. Qruplaşma yerinə, birgə yaşamaq mədəniyyətini inkişaf etdirilməsinə çalışırıq. Makedoniyada Gruevsksinin “əlaltısı” olan radikal-irqçi qruplar son hücumlarını edirlər. Biz ən ağır vəziyyətimizdə geri çəkilmədik, bundan sonra çəkilməyəcəyik. Makedoniya çoxmillətli dövlətdir və bu təməli qoruyacağıq. Türklər haqq etdikləri vəziyyətə gələcəkdir. Təslim olmaq, yorulmaq yoxdur. Qorxmaq bizə görə deyil. Təhdidlərə qulaq ardına verib, yolumuza davam edəcəyik. İnandığımız dava uğrunda mübarizə davam edəcək”, - deyə siyasətçi bəyan edib.