Bu gün İsrail Knesseti qondarma “erməni soyqırımı”nın tanınması ilə bağlı qanun layihəsini rədd edib.
APA-nın məlumatına görə, bu barədə “Jerusalem post” xəbər verib."Knesset “Yeş Atid" partiyasının sədri Yair Lapidin irəli sürdüyü erməni soyqırımı layihəsini rədd edib”, məlumatda deyilir.
İsrailin xarici işlər nazirinin müavini Tsipi Xotoveli bəyan edib ki, “soyqırımı”na həsr edilmiş tədbirlərdə iştirak etmək üçün 2015-ci ildə İrəvana nümayəndə heyəti göndərilsə də, məsələnin son dərəcə siyasi xarakter daşıdığını və diplomatik fəsadlara gətirib çıxaracağını nəzərə alaraq İsrail adıçəkilən məsələ ilə bağlı rəsmi mövqe tutmayacaq.
