ABŞ din azadlığını pozmaqda ittiham edilən ölkələrin siyahısını təsdiq edib.

Moderator.az “Röyters” agentliyinə istinadən xəbər verir ki, bu haqda ABŞ Dövlət Departamentinin rəsmi nümayəndəsi Hezer Nauert bildirib.


Siyahıya son günlər ABŞ-la münasibətləri gərginləşən Pakistan da daxil edilib. Ümumilikdə, siyahıda Pakistandan başqa, Çin, Eritreya, İran, Şimali Koreya, Sudan, Səudiyyə Ərəbistanı, Tacikistan, Türkmənistan və Özbəkistan yer alıb.
Sözügedən siyahı 1998-ci ildən dinin beynəlxalq azadlığı haqqında Amerika qanununa uyğun olaraq tərtib edilir.