Türkiyə Prezidenti Rəcəb Tayyib Ərdoğan Azərbaycan Prezidenti İlham Əliyevdən sonra daha iki dövlət başçısına zəng edib.

Axar.az xəbər verir ki, Ərdoğan Qazaxıstan Prezidenti Nursultan Nazarbayev və Livan Prezidenti Mişel Aun ilə əlaqə saxlayıb. Ərdoğan hər iki liderlə Qüds məsələsini müzakirə edib və onları İslam Əməkdaşlıq Təşkilatının iclasına dəvət edib.

Qeyd edək ki, Ərdoğan bu gün İlham Əliyevə zəng edib. O, Azərbaycan Prezidentini İslam Əməkdaşlıq Təşkilatının iclasına dəvət edib. Hər iki lider ABŞ Prezidenti Donald Trampın Qüds qərarının yanlış olduğunu ifadə ediblər.