Ermənilərin illərdir məzlum, əzilən xalq donuna girərək, bir çox dövlətlərin də açıq-aşkar dəstəklədiyi “erməni soyqırımı” komediyası davam etməkdədir.

Türkiyə illərdir dünyaya bəyan edir ki, gəlin, arxivləri açaq, qoy sənədlər və faktlar danışsın, biz də faktlara əsasən qərar qəbul edək. Ancaq qarşı tərəfə və onun havadarlarına arxivləri açmaq sərf etmir. Çünki onlardan fərqli olaraq arxiv sənədləri tam əksini deyir.

Bu baxımdan da Mehmet Perincəyin Rus Dövlət arxivlərindən əldə etdiyi sənədlərdə də ermənilərin türklərə etdiyi qətliamlar, elə o zamankı rus hökumət adamlarının və zabitlərinin teleqramlarında da açıq-aydın yazılıb.

“Arxiv ovçusu”u növbəti materialı, Türkiyəyə gedən ilk Sovet elçi heyətinin katibi Y. Y. Upmalın 1920-ci il sentyabrın 14-də Bakıdan Moskvaya göndərdiyi "tam məxfi" qrifli telegrafından bir hissəni təqdim edir:

“Daşnaklar türklərin passivliyinə arxayın olaraq kəndlərə mütəmadi olaraq basqınlar edir və türkləri qılıncdan keçirirlər. Qarakilsə, Sürməli və Kağızman bölgələrinin nümayəndələri gəlib bizdən yardım istədilər. Bölgədəki 105 kənddən sadəcə 35 kiçik dağ kəndi qalıb. Avqust ayında isə həmin kəndlərdən 8-nin camaatını qılıncdan keçiriblər. Onları öz qorumamız altına almamızı, ya da bütün kişilərin hər hansı bir cəbhəyə gedə bilmələri üçün ailələrini başqa yerə köçürməmizi istəyirlər. Daşnaklar sülh danışıqlarının ardından, ermənilərin yerləşdirildiyi sərhəd bölgəsindəki qarışıq kəndlərdə yaşayan müsəlmanları tamamilə yox etmənin planını qururlar. Kağızman bölgəsindəki son qarışıq kənd olan Porinin xalqı da avqustun 20-də qılıncdan keçirildi”.

Rəşad Sahil

Mənbə: Atv.az