Səudiyyə Ərəbistanı kralı Salman bin Əbdüləziz əl Səud ABŞ prezidenti Donald Trampı krallığın ən yüksək mülki mükafatı - kral Əbdüləziz ordeni ilə təltif edib.
Qaziler.az xəbər verir ki, ABŞ prezidenti kral sarayında qəbul zamanı ordenlə təltif olunub.Bundan əvvəl kral Salman Trampın səfərini təhlükəsizliyin möhkəmləndirilməsinə töhfə adlandırıb.
Xatırladaq ki, Tramp bu gün ilk dəfə Səudiyyə Ərəbistanına rəsmi səfər edib. Ər-Riyad səfərindən sonra ABŞ prezidenti İsrail və Vatikana səfər edəcək, daha sonra isə Brüsseldə NATO sammitinə və Siciliyada G-7 liderlərinin görüşünə qatılacaq.
