Hazırkı prezident Fransua Olland mayın 14-də prezident səlahiyyətlərini Fransanın yeni dövlət başçısı seçilən, "İrəli!" hərəkatının lideri Emmanuel Makrona verəcək.
Virtualaz.org-un məlumatına görə, bu barədə “Figaro” nəşri yazıb. Bildirilir ki, F.Ollandın səlahiyyət müddəti məhz həmin gün bitir.
Xatırladaq ki, mayın 7-də Fransada prezident seçkilərinin ikinci turu keçirilib. E.Makron bülletenlərin 99,99% hesablanmasından sonra 66,06% nəticə ilə (20,7 milyon səs) prezident seçkilərinin ikinci turunda qalib gəlib.
