Azərbaycan Prezidenti İlham Əliyev Albaniya Prezidenti Buyar Nişanini təbrik edib.

Qaziler.az bildirir ki, Trend-in məlumatına görə təbrikdə deyilir:

"Albaniya Respublikasının milli bayramı – Müstəqillik günü münasibətilə Sizə və xalqınıza ən səmimi təbriklərimi çatdırıram. Əminəm ki, Azərbaycan ilə Albaniya arasındakı dostluq və əməkdaşlıq münasibətlərinin inkişafı bundan sonra da xalqlarımızın mənafelərinə xidmət edəcəkdir. Belə bir əlamətdar gündə Sizə möhkəm cansağlığı, işlərinizdə uğurlar, dost Albaniya xalqına daim əmin-amanlıq və rifah diləyirəm".

Azərbaycan Prezidenti İlham Əliyev Mavritaniya Prezidenti Məhəmməd uld Əbdüləzizi təbrik edib.

Təbrikdə deyilir:

"Mavritaniya İslam Respublikasının milli bayramı – Müstəqillik günü münasibətilə Sizi və bütün xalqınızı öz adımdan və Azərbaycan xalqı adından ürəkdən təbrik edirəm. Bu xoş gündə Sizə möhkəm cansağlığı, işlərinizdə uğurlar, dost Mavritaniya xalqına sülh və firavanlıq arzulayıram".