Avropa İttifaqı-Azərbaycan çərçivə sazişi Avropa Parlamentində qəbul olunub.
Qaziler.az bildirir ki, APA-nın məlumatına görə, Azərbaycanın Aİ proqramlarında iştirakını təmin edəcək "Azərbaycan Respublikası ilə Avropa İttifaqı arasında Azərbaycan Respublikasının İttifaqın proqramlarında iştirakının ümumi prinsipləri haqqında çərçivə Sazişi üzrə bir tərəfdən Azərbaycan Respublikası, digər tərəfdən Avropa İttifaqı və onun üzvü olan dövlətlər arasında Tərəfdaşlıq və Əməkdaşlıq Sazişinin Protokolu" sənədi bu gün Strasburqda keçirilmiş Avropa Parlamentinin (AP) plenar iclasında səsverməyə qoyulub.Səsvermə nəticəsində 577 lehinə, 67 əleyhinə və 51 bitərəf olmaqla, sözügedən sənəd Avropa Parlamenti tərəfindən təsdiq olunub.
