ATƏT-in Minsk Qrupunun həmsədrləri və hazırda təşkilata sədrlik edən Almaniya qərara alıblar ki, Azərbaycan və Ermənistan prezidentləri arasında görüşlər “non-stop” rejimində davam etsin. Virtualaz.org xəbər verir ki, bu haqda Ermənistanda nəşr olunan “Qraparak” qəzeti yazıb.
Qəzetin yazdığına görə növbəti Əliyev-Sərkisyan görüşlərini Vyanda, Sankt-Peterburqda, Parisdə, hansısa Amerika şəhərində təşkil etmək nəzərdə tutulur. Məqsəd danışıqlar prosesində intensivliyi təmin etmək və hərbi əməliyyatların yenidən alovlanmasına imkan verməməkdir.
Bildirilir ki, prezidentlərin növbəti görüşü avqustda Parisdə olacaq, sentyabr-oktyabr aylarında isə ABŞ-da baş tutacaq.
