Bakıda səfərdə olan Sudanın xarici işlər naziri Ali Ahmed Karti ilə Azərbaycanın xarici işlər naziri Elmar Məmmədyarov arasında görüş keçirilib.
APA-nın xəbərinə görə, görüş əvvəlcə geniş formatda, nümayəndə heyətləri arasında, daha sonra təkbətək olub.Sonra Azərbaycan XİN və Sudan XİN arasında əməkdaşlıq protokolu imzalanıb.
Qeyd edək ki, dünəndən Bakıda səfərdə olan Sudan xarici işlər naziri Fəxri xiyabanı və Şəhidlər xiyabanını ziyarət edib. Ali Ahmed Kartini Azərbaycan prezidenti İlham Əliyev qəbul edib.
