Rusiya Xarici işlər naziri Sergey Lavrov ABŞ Dövlət katibi Con Kerri ilə Münxendə keçirdiyi görüş zamanı "iki ölkə hərbçilərinin Suriya ərazisindəki fəaliyyətinin əlaqələndirilməsi" mövzusunu müzakirə edib.

Qaziler.az-ın məlumatına görə, “Report” RİA "Novosti" agentlirinə istinadən xəbər verir ki, bu barədə Rusiya XİN-in rəsmi nümayəndəsi Mariya Zaxarova məlumat verib.
Zaxarova bildirib ki, görüşün keçirilməsi təşəbbüsü ilə ABŞ tərəfi çıxış edib.
Fevralın 11-də Münhendə keçirilən Suriyaya Beynəlxalq Dəstək Qrupunun iclasının yekunları da diqqət mərkəzində saxlanılıb.
***19.25
Bakı. 13 fevral. REPORT.AZ/ Rusiyanın Xarici işlər naziri Sergey Lavrov Münhen Təhlükəsizlik Konfransı çərçivəsində ABŞ-ın Dövlət katibi Con Kerri ilə ikinci dəfə bir araya gəlib.
“Report” RİA "Novosti" agentlirinə istinadən xəbər verir ki, hazırda davam edən görüşlə bağlı malumatı Rusiya XİN-in rəsmi nümayəndəsi Mariya Zaxarova "Facebook" vasitəsi ilə yayıb.
Qeyd edək ki, Kerri ilə Lavrov iki gün əvvəl Münhendə Suriya ilə bağlı danışıqlar aparmışdı.