"Yəməndəki mürəkkəb vəziyyət İran və ABŞ-nin apardığı münaqişədən ayrı həll olunmalıdır”.

Qaziler.az “Tasnim” agentliyinə istinadla xəbər verir ki, bu barədə İran XİN-in rəsmi nümayəndəsi İsmayıl Bəqai bildirib.

"Yəmən problemi bu ölkənin özü ilə bağlıdır. Artıq dediyimiz kimi, Yəmən məsələsi dialoq yolu ilə həll edilməlidir. Hər hansı bir mövzunu İrana qarşı müharibə ilə əlaqələndirmək məsuliyyətdən qaçmaqdır", — deyən diplomat əlavə edib ki, regiondakı hazırkı münaqişəni ABŞ yaradıb və baş verənlərə görə bütün məsuliyyəti Vaşinqton və onun müttəfiqləri daşımalıdır.

Baqainin sözlərinə görə, Çin regionda hadisələrin gedişatından narahatdır və Pekin vəziyyətin daha da gərginləşməsinə imkan verməmək üçün səylər göstərir. Bununla belə, Baqai dəqiqləşdirib ki, ABŞ və İran arasındakı təmaslarda yeni vasitəçilər yoxdur. O, Qətər və Pakistanın vasitəçilik səylərini xatırladıb.

QAZİLER.AZ