İsrailin Baş naziri Benyamin Netanyahu Vaşinqtona uçmazdan əvvəl bəyan edib ki, ABŞ Prezidenti Donald Tramp ilə "gündəlikdəki bütün məsələləri, ilk növbədə isə İranı" müzakirə etmək niyyətindədir.

Qaziler.az xəbər verir ki, onun bu sözlərini TASS agentliyi sitat gətirib.

"Mən Tramp ilə görüşmək üçün Vaşinqtona yola düşürəm. Baş nazir olaraq təcrübəmin göstərdiyi kimi, bu çətin dövrlərdə böyük qətiyyət və böyük müdrikliklə hərəkət etmək lazımdır. Biz gündəlikdəki bütün məsələləri, ilk növbədə isə İranı müzakirə edəcəyik", — deyə İsrailin Baş naziri bildirib.

İyulun əvvəlində Netanyahu ABŞ və İsrail arasında heç bir fikir ayrılığının olmadığını qeyd etmişdi. O vurğulamışdı ki, Amerika tərəfi İsraili nümunəvi müttəfiq hesab edir, çünki İsrail Vaşinqtonun digər "çoxsaylı qondarma" tərəfdaşlarından fərqli olaraq, ABŞ ilə birlikdə real şəkildə mübarizə aparır. Baş nazir əlavə edib ki, İsrail də Birləşmiş Ştatlar kimi İranın nüvə silahı proqramından imtina etməsində maraqlıdır.

QAZİLER.AZ