Avropa ölkələri və ABŞ hazırda "bankadakı hörümçəklər kimidir".

Qaziler.az xəbər verir ki, bunuRusiya Təhlükəsizlik Şurası sədr müavini, "Vahid Rusiya" partiyasının sədri Dmitri Medvedev Moskvada keçirilən "Bilik. Birincilər" marafonundakı çıxışı zamanı bildirib.

Onun sözlərinə görə, ABŞ və Avropa arasındakı münasibətlərin bu gün necə inkişaf etdiyini izləmək əyləncəlidir.

Eyni zamanda, siyasətçi Rusiya Federasiyasının öz maraqlarının olduğunu və yalnız öz ölkəsinin işlərinə, uğurlarına, inkişafına və xalqına kömək etməsinə diqqət yetirməli olduğunu vurğulayıb.

"Amma onların (ABŞ və Avropa – red.) hazırda bankadakı hörümçəklər kimi olması, düzünü desəm, məni sevindirir. Mən bunu böyük maraqla izləyirəm", – deyə Medvedev bildirib.

O əlavə edib ki, Rusiyaya yalnız Avropa və ABŞ arasındakı münasibətlərin gələcəkdə necə olacağını müşahidə etmək qalır.

QAZİLER.AZ