ABŞ administrasiyası Ukrayna münaqişəsinin həlli üçün yeni sülh planı üzərində işi gücləndirib.

Qaziler.az xəbər verir ki, bu barədə CNN məlumatlı mənbələrə istinadən xəbər verir.

Bu prosesin Amerika tərəfindən əsas kordinatoru ABŞ prezidenti Donald Trampın xüsusi nümayəndəsi Stiv Uitkoff olacaq.

Jurnalistlərin sözlərinə görə, danışıqlar prosesi bu həftə xeyli intensivləşib. Ordu katibi Daniel Driskolun rəhbərlik etdiyi ABŞ Müdafiə Nazirliyinin yüksək səviyyəli nümayəndə heyəti Kiyevə yola düşüb.

Bu missiya Trampın şəxsi göstərişi ilə Ukrayna rəhbərliyi ilə məsləhətləşmələr aparmaq üçün göndərilib. Səfərdə cəbhə xəttindəki mövcud vəziyyət, silah ehtiyacları və potensial sülh təşəbbüslərinin müzakirəsi planlaşdırılır.

Nümayəndə heyəti Ukrayna prezidenti Volodmir Zelensky və digər hökumət rəsmiləri ilə danışıqlar aparacaq. Hesabatda bildirilib ki, diqqət hərbi əməliyyatların dayandırılması üçün qarşılıqlı məqbul şərtlərin hazırlanmasına yönəldiləcək.

QAZİLER.AZ