Praqada Diplomatların Həyat Yoldaşları Assosiasiyası tərəfindən Beynəlxalq Milad Festivalı təşkil edilib. Festival çərçivəsində müxtəlif ölkələrin Çexiyada akkreditə olunmuş səfirliklərinin stendləri ilə yanaşı, Azərbaycan səfirliyinin stendi də qurulub. Ölkəmizə məxsus suvenirlər, təamlar, içkilər, habelə müxtəlif kitablar xeyriyyə məqsədilə satışa çıxarılıb. Festivalda Azərbaycan milli rəqsi də nümayiş etdirilib. Satışdan toplanan vəsait Çexiyada fəaliyyət göstərən müxtəlif xeyriyyə təşkilatlarını dəstəkləməyə yönəldilib.
Festival ərzində Azərbaycan stendi tədbir iştirakçılarının marağına səbəb olub və qonaqlara ölkəmizlə bağlı təbliğat materialları paylanılıb.
