Rusiya Prezidentinin köməkçisi Vladimir Medinski başda olmaqla Rusiya nümayəndə heyəti Ukrayna nizamlanması üzrə danışıqlar üçün İstanbula gəlib.
Bu barədə "Report" Rusiya KİV-lərinə istinadən xəbər verir.
"Rusiya nümayəndə heyəti olan təyyarə indicə yerə endi", - hava limanı xidmətlərindən bildiriblər.
Xatırladaq ki, daha əvvəl Türkiyəyə Ukrayna nümayəndə heyəti gəlmişdi. Bildirilirdi ki, Rusiya tərəfi ilə danışıqlar zamanı onlar İstanbulda Ukrayna və Rusiya prezidentləri Volodimir Zelenski və Vladimir Putinin mümkün görüşünü müzakirə etməyi planlaşdırırlar.
